Chutney Recipe: પહાડો વિશે વિચારતા જ આપણું ધ્યાન સૌથી પહેલા ઉત્તરાખંડ અને હિમાચલની પહાડીઓ તરફ જાય છે. ઉનાળામાં ઘણા લોકો પહાડોમાં ફરવા જાય છે. અહીંના આકર્ષક નજારા, બરફથી ઢંકાયેલ શિખરો, લીલીછમ ખીણો અને ખુશનુમા વાતાવરણ કાળઝાળ ગરમીમાંથી રાહત અપાવે છે. આ સાથે જ અહીંનો સ્વાદિષ્ટ ખોરાક શરીરને ઠંડક પહોંચાડે છે અને તમારી પાચનક્રિયાને પણ સુધારે છે.
જો તમે ક્યારેય આ પહાડોના લોકલ ફૂડનો સ્વાદ ચાખ્યો છે, તો તમે જાણતા જ હશો કે પહાડી વાનગી તમારા સ્વાસ્થ્ય પર ઘણી અસર કરે છે. ઉનાળામાં ઉત્તરાખંડમાં ઝાંગોર અને કાકડીની કઢી પસંદ કરવામાં આવે છે, તેમજ હિમાચલમાં કેરીમાંથી બનેલી મહાની લોકપ્રિય છે. તો ચાલો આજે કાચી કેરીમાંથી બનતી મહાની વિશે જાણીએ….
સામગ્રી
- 2 મોટી કાચી કેરી
- 2-3 કપ પાણી
- 1 ચમચી ધાણા
- 1 ચમચી વરિયાળી
- 1 ચમચી જીરું
- 10 કાળા મરીના દાણા
- ફૂદીનાના થોડા પાન
- 1-2 લીલા મરચાં
- 2-3 ચમચી ખાંડ/ગોળ
- 1 ચમચી કાળું મીઠું
- 1 ચમચી લાલ મરચાના ટુકડા
- 1 સમારેલી ડુંગળી
- 1/4 કપ સમારેલી તાજી કોથમીર
કાચી કેરીની મહાની કેવી રીતે બનાવવી?
- સૌથી પહેલા ગેસ ચાલુ કરીને કાચી કેરીને 10 મિનિટ સુધી ઉકાળો અને પછી તેને ઠંડા પાણીમાં 10 મિનિટ સુધી ઠંડી થવા માટે રાખી દો.
- ત્યારબાદ એક મોટા બાઉલમાં તેનો પલ્પ કાઢી લો. ત્યારબાદ તેમાં 2 કપ પાણી નાખો અને બીજમાંથી પણ પલ્પ કાઢો. હવે તેને અલગ રાખી દો.
- હવે એક મિક્સર જારમાં કાચી કેરીનો થોડો પલ્પ, ફુદીનાના થોડા પાન, 1-2 લીલા મરચાં, 2-3 ચમચી ખાંડ/ગોળ અને 1 કપ પાણી નાખો.
- હવે તેને સ્મૂધ થાય ત્યાં સુધી બ્લેન્ડ કરો. જ્યારે બ્લેન્ડ થઈ જાય ત્યારે તેને પાણીની સાથે તેને કરીના બનાવેલા મિશ્રણમાં નાખો.
- હવે ગેસ પર કડાઈ મૂકીને તેમાં 1 ચમચી ધાણા, 1 ચમચી વરિયાળી, 1 ચમચી જીરું, 10 કાળા મરીના દાણાને નાખીને સેંકી લો અને પછી બરછટ પાવડર બનાવી લો.
- હવે આ તૈયાર કરેલા મસાલાને કેરીના મિશ્રણમાં નાખો સાથે જ 1 ચમચી કાળું મીઠું, 1 ચમચી લાલ મરચાનો ટુકડો, 1 સમારેલી ડુંગળી, 1/4 કપ સમારેલી તાજી કોથમીર પણ ઉમેરો. હવે આ બધી સામગ્રીને મિક્સ કરો અને ભાત કે રોટલી સાથે આનંદ માણો.