Tawa Paneer Bread: જો તમારા બાળકો પણ વારંવાર પીઝા ખાવાની જીદ કરે છે તો, આ રીતે ઘરે બનાવો તવા પનીર બ્રેડ

Tawa Paneer Bread: પિઝા બાળકોની સાથે-સાથે મોટેરાઓના પણ ફેવરિટ બનતા જઈ રહ્યા છે. આવી સ્થિતિમાં બજારના પિઝા તો તમે ઘણાવાર ખાધા હશે, પરંતુ હવે ઘરે જ સરળ રેસિપીથી બનાવો તવા પનીર બ્રેડ પિઝા. તો ચાલો જાણીએ તવા પનીર બ્રેડ પિઝા બનાવવાની સરળ રેસિપી…

સામગ્રી

• 2 બ્રેડ સ્લાઈસ
• 1 કપ પનીર (નાના ક્યુબ્સમાં કાપો)
• 1/2 કેપ્સીકમ (સમારેલું)
• ટામેટા (સમારેલા)
• 1/4 કપ સ્વીટ કોર્નના દાણા
• 2 ચમચી પિઝા સોસ
• 1/2 કપ મોઝેરેલા ચીઝ
• સ્વાદ મુજબ ઓરેગાનો
• 2 ચમચી ચિલી ફ્લેક
• સ્વાદમુજબ મીઠું
• બટર

બનાવવાની રીત

• પનીરને નાના-નાના ક્યુબ્સમાં કાપી લો. હવે તેને લાલ મરચું પાવડર, ગરમ મસાલો અને એક ચપટી મીઠું અને લીંબુનાના મિશ્રણમાં મેરીનેટ કરો અને એક બાજુ પર રાખી દો.
• એક તવા પર મીડિયમ ફ્લેમ પર થોડું બટર ગરમ કરો. કેપ્સીકમ, ટામેટા અને સ્વીટ કોર્નના દાણાને નરમ થાય ત્યાં સુધી તળી લો.
• પેન પર બ્રેડની એક સ્લાઈસ મૂકો. સ્લાઈસ પર એક ચમચી પિઝા સોસને સરખી રીતે ફેલાવી લો.
• હવે સોસ પર થોડા શેકેલા શાકભાજી નાખો. આ પછી મેરીનેટ કરેલા પનીરના ટુકડાને શાકભાજીની ઉપર મૂકો.
• પનીર અને શાકભાજીની ઉપર મોઝેરેલા ચીઝને છીણી લો.
• પછી પનીરની ઉપર ઓરેગાનો, ચીલી ફ્લેક્સ અને એક ચપટી મીઠું છાંટો.
• પેનને ઢાંકણ વડે ઢાંકી દો અને ચીઝ ઓગળે ત્યાં સુધી પકાવો.
• બ્રેડનો નીચેનો ભાગ ગોલ્ડન બ્રાઉન અને ક્રિસ્પી થઈ જાય, ત્યારે તેને ગરમાગરમ સર્વ કરો.