ભારતે પાકિસ્તાનમાં ઘૂસીને પહેલગામ આતંકવાદી હુમલાનો બદલો લીધો છે. ભારતીય સેનાએ ‘ઓપરેશન સિંદૂર’ હાથ ધર્યું અને પાકિસ્તાન અધિકૃત કાશ્મીર સહિત 9 આતંકવાદી ઠેકાણાઓ પર હુમલો કર્યો. આતંકવાદીઓના ઠેકાણાઓ પર હવાઈ હુમલાથી પાકિસ્તાન હચમચી ગયું છે. પહેલગામ હુમલાના 15 દિવસ પછી આતંકવાદી છાવણીઓ પર એક સાથે હુમલો થયો છે.
આ દરમિયાન, એવા સમાચાર છે કે જમ્મુ-કાશ્મીરના અખનૂર વિસ્તારમાં ભારતીય સેના દ્વારા એક પાકિસ્તાની JF-17 ફાઇટર પ્લેનને તોડી પાડવામાં આવ્યું છે. જમ્મુ-કાશ્મીરના અખનૂર વિસ્તારના ભરડા કલાનમાં JF-17 પાયલોટ સાથે ક્રેશ થયું હોવાના અહેવાલ છે. પાયલોટને શોધવા માટે સર્ચ ઓપરેશન ચાલુ છે. પોલીસ, સેના અને ફાયર બ્રિગેડ ઘટનાસ્થળે હાજર છે.
આ 9 જગ્યાએ હુમલો
ભારતે પાકિસ્તાન સાથેની સરહદ પર તમામ હવાઈ સંરક્ષણ એકમોને સક્રિય કરી દીધા છે. ભારતના હવાઈ હુમલા બાદ સમગ્ર પાકિસ્તાનમાં ગભરાટનો માહોલ છે. ભારતીય વાયુસેનાએ બહાવલપુરમાં જૈશ-એ-મોહમ્મદના આતંકવાદી મસૂદ અઝહરના કેમ્પ અને ઠેકાણાઓને નિશાન બનાવ્યા છે. ભારત એ-
- મુરિદકે
- બહાવલપુર
- મુઝફ્ફરાબાદમાં બે નિશાન
- ગુલપુર
- ભીમ્બર
- ચક અમારુ
- કોટલી
- સિયાલકોટ નજીક એક આતંકવાદી કેમ્પને નિશાન બનાવવામાં આવ્યો છે.
જૈશનો બહાવલપુરમાં આતંકવાદી કેમ્પ છે અને મુરીદકેમાં લશ્કરના મુખ્યાલય પર બોમ્બ ફેંકવામાં આવ્યા છે. સૂત્રોના જણાવ્યા અનુસાર, ભારતીય સેનાએ હુમલા માટે આ સ્થાન પસંદ કર્યું હતું, જેનો હેતુ ભારતમાં આતંકવાદી પ્રવૃત્તિઓને પ્રાયોજિત કરવામાં ભૂમિકા ભજવતા જૈશ-એ-મોહમ્મદ અને લશ્કરના ટોચના નેતૃત્વને નિશાન બનાવવાનો હતો.
