સરકાર વીમા પર મોટી છૂટ આપવાની તૈયારી કરી રહી છે. એક વરિષ્ઠ અધિકારીએ શનિવારે જણાવ્યું કે ટર્મ લાઈફ ઈન્સ્યોરન્સ પરનો GST હટાવી શકાય છે. જેનો લાભ તમામ લોકોને મળશે. આ સિવાય વરિષ્ઠ નાગરિકો માટે સ્વાસ્થ્ય વીમા પ્રીમિયમ પણ કરમુક્ત કરી શકાય છે. તમને જણાવી દઈએ કે, જીવન અને સ્વાસ્થ્ય વીમા પરના GST દર અંગે નિર્ણય લેવા માટે મંત્રીઓના જૂથ (GoM)ની શનિવારે બેઠક મળી હતી.
5 લાખ સુધીના કવરેજ પર ટેક્સ નહીં લાગે!
આ દરમિયાન, વરિષ્ઠ નાગરિકો સિવાય અન્ય વ્યક્તિઓ માટે 5 લાખ રૂપિયા સુધીના કવરેજ સાથે આરોગ્ય વીમા માટે ચૂકવવામાં આવતા પ્રીમિયમને GSTમાંથી મુક્તિ આપવાનો નિર્ણય લેવામાં આવ્યો હતો. આ મામલે અંતિમ નિર્ણય GST કાઉન્સિલ લેશે. તમને જણાવી દઈએ કે, 5 લાખ રૂપિયાથી વધુના સ્વાસ્થ્ય વીમા કવરેજ માટે ચૂકવવામાં આવેલા પ્રીમિયમ પર 18 ટકા GST લાગશે. તે જ સમયે, હાલમાં ટર્મ લાઇફ ઇન્શ્યોરન્સ અને ‘ફેમિલી ફ્લોટર’ પોલિસી માટે ચૂકવવામાં આવતા જીવન વીમા પ્રીમિયમ પર 18 ટકા GST વસૂલવામાં આવે છે.
એક અધિકારીએ જણાવ્યું હતું કે, “GoM સભ્યોએ વીમા પ્રિમીયમ પરના દરો ઘટાડવા માટે વ્યાપકપણે સંમત થયા છે.” અંતિમ નિર્ણય GST કાઉન્સિલ દ્વારા લેવામાં આવશે. બિહારના નાયબ મુખ્ય પ્રધાન સમ્રાટ ચૌધરીએ કહ્યું, “પ્રધાન જૂથના દરેક સભ્ય લોકોને રાહત આપવા માંગે છે. વરિષ્ઠ નાગરિકો પર વિશેષ ધ્યાન આપવામાં આવશે. અમે કાઉન્સિલને રિપોર્ટ સોંપીશું. અંતિમ નિર્ણય કાઉન્સિલ દ્વારા લેવામાં આવશે.
ગયા મહિને કમિટી બનાવવાનો નિર્ણય લેવાયો હતો
GST કાઉન્સિલે, ગયા મહિને તેની બેઠકમાં, આરોગ્ય અને જીવન વીમા પ્રિમિયમ પરના કર અંગે નિર્ણય લેવા માટે મંત્રીઓના 13 સભ્યોના જૂથની રચના કરવાનો નિર્ણય લીધો હતો. સમ્રાટ ચૌધરી ગ્રુપ ઓફ મિનિસ્ટર્સના કન્વીનર છે. તેમાં ઉત્તર પ્રદેશ, રાજસ્થાન, પશ્ચિમ બંગાળ, કર્ણાટક, કેરળ, આંધ્ર પ્રદેશ, ગોવા, ગુજરાત, મેઘાલય, પંજાબ, તમિલનાડુ અને તેલંગાણાના મંત્રીઓ સામેલ છે. મંત્રીઓના જૂથને ઓક્ટોબરના અંત સુધીમાં કાઉન્સિલને તેનો અહેવાલ સુપરત કરવાનો નિર્દેશ આપવામાં આવ્યો હતો.