ચીનની ટેક કંપની Xiaomiએ તેની પ્રથમ ઇલેક્ટ્રિક YU7 SUVનું અનાવરણ કર્યું છે. મળતી માહિતી અનુસાર, કંપની આ કારને ચીનમાં આવતા વર્ષે જૂન અથવા જુલાઈ મહિનામાં લોન્ચ કરી શકે છે. આ ઇલેક્ટ્રિક કાર ચીનના બજારમાં વેચાતી ટેસ્લા મોડલ Y સાથે સીધી ટક્કર આપશે. Xiaomiની હાલમાં આ ઇલેક્ટ્રિક કારને ભારતીય બજારમાં લોન્ચ કરવાની કોઈ યોજના નથી. રિપોર્ટ અનુસાર Xiaomi ઇન્ડિયાના ચીફ માર્કેટિંગ ઓફિસરે કહ્યું કે આ સરળ બિઝનેસ નથી. કંપનીનું પ્રારંભિક ફોકસ પહેલા ચીનના બજાર પર રહેશે, ત્યારબાદ જ તેને વૈશ્વિક સ્તરે લોન્ચ કરવામાં આવશે.
Xiaomi ની YU7 ઈલેક્ટ્રિક SUVની ડિઝાઈન વિશે વાત કરીએ તો, તેમાં સુંદર રીતે ડિઝાઈન કરાયેલા વ્હીલ્સ છે, જે તેના દેખાવને વધુ સ્ટાઇલિશ બનાવે છે. તેના પાછળના ભાગમાં SU7 જેવા જ LED ટેલ લેમ્પ લગાવવામાં આવ્યા છે. Xiaomi SU7 લગભગ 5 મીટર લાંબી છે. તે પ્રીમિયમ સેડાન છે, જ્યારે ટોપ-એન્ડ વેરિઅન્ટમાં ડ્યુઅલ મોટર સેટઅપ છે. તેની પાસે 101 kWh નું વિશાળ Qilin બેટરી પેક છે.
ચીનમાં રેગ્યુલેટરી ફાઈલિંગ મુજબ, YU7 SUV ડ્યુઅલ-મોટર સેટઅપ સાથે ઓફર કરવામાં આવે છે – 299hp (ફ્રન્ટ) અને 392hp (પાછળ), 691hp નું સંયુક્ત આઉટપુટ આપે છે. આ સેટઅપ, જે હાઈ-સ્પેક SU7ના 673hp મેક્સ વેરિઅન્ટ કરતાં વધુ શક્તિશાળી છે, તે 2,405kg (કર્બ વેઈટ) SUVને 253kphની ટોચની ઝડપે લઈ જવા સક્ષમ છે. SU7 Max લગભગ 200kg હળવા છે, અને 265kphની ટોચની ઝડપે પહોંચે છે.
આ કાર સિંગલ ફુલ ચાર્જ પર લગભગ 800Kmની રેન્જ આપે છે. ડ્યુઅલ મોટર સેટઅપ સાથે, આ કાર મહત્તમ 600 bhp પાવર જનરેટ કરશે. SU7 નું એન્ટ્રી-લેવલ RWD વેરિઅન્ટ LFP-કેમિસ્ટ્રી બેટરીનો ઉપયોગ કરે છે. જો ટુ-વ્હીલ-ડ્રાઈવ વર્ઝન ઉપલબ્ધ કરાવવામાં આવે તો Xiaomi YU7માં આ જ યુનિટનો ઉપયોગ થઈ શકે છે. ભારતની વાત કરવામાં આવે તો તે BYD સીલ સાથે સ્પર્ધા કરી શકે છે. Xiaomiની આ ઈલેક્ટ્રિક કારને રેન્જ અને પાવરની સાથે સ્પુપી ડિઝાઈન આપવામાં આવી છે. ઉપરાંત, તે હવાઈ કાર્યક્ષમ બનશે.