લોન્ચ થયાના એક અઠવાડિયામાં આ ઓલા સ્કૂટર થયું મોંઘુ, કિંમતમાં આટલો વધારો થયો

દેશની સૌથી મોટી ઇલેક્ટ્રિક ટુ-વ્હીલર કંપનીઓમાંની એક ઓલા ઇલેક્ટ્રિકે તેના સ્કૂટરના ભાવમાં વધારો કર્યો છે. લગભગ એક અઠવાડિયા પહેલા, કંપનીએ તેના લોકપ્રિય ઇલેક્ટ્રિક સ્કૂટર Ola S1 Pro નું ત્રીજી પેઢીનું મોડેલ રજૂ કર્યું હતું. તેનું બુકિંગ 31 જાન્યુઆરીથી શરૂ થયું હતું. હવે કંપનીએ તેના ભાવમાં વધારો કર્યો છે. આ સ્કૂટર્સની ડિલિવરી આવતા મહિનાથી શરૂ થઈ શકે છે.

કંપનીએ તાજેતરમાં S1X શ્રેણી રજૂ કરી છે. કંપનીએ તેમાં 2kWh, 3kWh અને 4kWh બેટરી પેક વર્ઝન રજૂ કર્યા છે, જેના કારણે આ સ્કૂટર હવે એક જ ચાર્જમાં લાંબી રેન્જ આપવા સક્ષમ છે. આ સાથે, Ola S1 Pro ના 3kWh અને 4kWh વેરિઅન્ટ પણ રજૂ કરવામાં આવ્યા છે અને તેમની કિંમતોમાં વધારો કરવામાં આવ્યો છે.

Ola S1 Pro આટલી મોંધી થઈ

ઓલા એસ૧ પ્રોના થર્ડ જનરેશન મોડેલની કિંમતમાં હવે 15,000 રૂપિયાનો વધારો થયો છે. કંપનીએ Ola S1 Pro ના 3kWh વર્ઝનની કિંમતમાં 15,000 રૂપિયાનો વધારો કર્યો છે. હવે તેની કિંમત ૧.૨૯ લાખ રૂપિયા થઈ ગઈ છે. જ્યારે તેના 4kWh મોડેલની કિંમતમાં 10,000 રૂપિયાનો વધારો થયો છે. તે હવે 1.44 લાખ રૂપિયા થઈ ગયું છે. આ બધી એક્સ-શોરૂમ કિંમતો છે. જોકે કંપનીએ કેટલાક અન્ય મોડેલોના ભાવમાં પણ વધારો કર્યો છે, પરંતુ આ સ્કૂટરોના ભાવમાં સૌથી વધુ વધારો થયો છે.

આ સ્કૂટર મોડેલ્સની કિંમતોમાં પણ વધારો થયો છે

આ ઉપરાંત, ઓલાએ તેના ઘણા અન્ય મોડેલોની કિંમતમાં વધારો કર્યો છે, જ્યારે ઘણાના ભાવ પહેલા જેવા જ રાખવામાં આવ્યા છે. તમે તેમની સંપૂર્ણ યાદી અહીં જોઈ શકો છો…

• Ola S1X નું સેકન્ડ જનરેશન 2kWh મોડેલ 79,999 રૂપિયાની સમાન કિંમતે ઉપલબ્ધ થશે.
• Ola S1X ના સેકન્ડ જનરેશન 3kWh મોડેલની કિંમતમાં 4,000 રૂપિયાનો વધારો થયો છે અને હવે તે 93,999 રૂપિયા થઈ ગઈ છે. પહેલા તેની કિંમત 89,999 રૂપિયા હતી.
• ઓલા S1X ના 4kWh મોડેલની કિંમતમાં 5,000 રૂપિયાનો વધારો થયો છે. તેની કિંમત હવે 1,04,999 રૂપિયા થઈ ગઈ છે. પહેલા તે 99,999 રૂપિયા હતું.
• કંપનીએ Ola S1X+ ના 4kWh મોડેલની કિંમતમાં પણ 4,000 રૂપિયાનો વધારો કર્યો છે; તેની નવી કિંમત 1,11,999 રૂપિયા હશે.
• Ola S1 Pro+ ના 4kWh વેરિઅન્ટની કિંમત પહેલા જેવી જ 1,54,999 રૂપિયા રહેશે.
• જ્યારે Ola S1 Pro+ ના 5.3kWh વર્ઝનની કિંમત હવે 1,69,999 રૂપિયા છે.

કંપનીએ તાજેતરમાં Ola S1 Pro+ નું 5.3kWh વર્ઝન લોન્ચ કર્યું છે. તેને 13 kW ઇલેક્ટ્રિક મોટર સાથે અપગ્રેડ કરવામાં આવ્યું છે. આ પછી, કંપનીનું આ સ્કૂટર એક જ ચાર્જમાં 320 કિમીની રેન્જ આપવા સક્ષમ બન્યું છે. તેની ટોપ સ્પીડ ૧૪૧ કિમી પ્રતિ કલાક છે. તે જ સમયે, આ પિકઅપ 2.1 સેકન્ડમાં 0 થી 40 કિમી પ્રતિ કલાકની ઝડપ પકડી લે છે.