OLA Share: લાંબી રાહ જોયા બાદ OLA ઈલેક્ટ્રીકના શેર લિસ્ટ થયા છે. ઓલા ઇલેક્ટ્રિકનું સ્થાનિક બજારમાં ફ્લેટ લિસ્ટિંગ થયું છે. તે શેર દીઠ રૂ. 76ના ઇશ્યૂ ભાવે લિસ્ટેડ થયું હતું, જેનો અર્થ છે કે લિસ્ટિંગ પર રોકાણકારોને કોઈ નફો મળ્યો નથી. જો કે, તેના લિસ્ટિંગ પછી, તેના શેરમાં જબરદસ્ત વધારો જોવા મળી રહ્યો છે અને તે 18 ટકાથી વધુ ઉછળ્યો છે અને શેર દીઠ રૂ. 90ને પાર કરી ગયો છે.
ઈલેક્ટ્રિક સ્કૂટર (ઈ-સ્કૂટર) મેન્યુફેક્ચરિંગ કંપની ઓલા ઈલેક્ટ્રિકનો IPO 2જી ઑગસ્ટના રોજ ખોલવામાં આવ્યો હતો અને 6ઠ્ઠી ઑગસ્ટ 2024 સુધી ખુલ્લો રહ્યો હતો. આ IPOની પ્રાઇસ બેન્ડ રૂપિયા 72 થી 76 રૂપિયા નક્કી કરવામાં આવી હતી. આ IPO હેઠળ, 195 શેરની લોટ સાઈઝ બનાવવામાં આવી હતી, જેમાં ઓછામાં ઓછું 14,820 રૂપિયાનું રોકાણ કરવાનું હતું.
રોકાણકારો તરફથી સારો પ્રતિસાદ મળ્યો
ભાવિશ અગ્રવાલની કંપની ઓલા ઇલેક્ટ્રિકના IPOને રોકાણકારો તરફથી સારો પ્રતિસાદ મળ્યો નથી. તે કુલ 4.45 વખત સબ્સ્ક્રાઇબ થયું હતું. રિટેલ રોકાણકારોએ તેને 4.05 વખત સબ્સ્ક્રાઇબ કર્યું હતું, જ્યારે QIB કેટેગરીએ 5.53 વખત અને NIIએ 2.51 વખત સબ્સ્ક્રાઇબ કર્યું હતું.\
ઓલા ઇલેક્ટ્રિક આઇપીઓનું કદ
OLA ઈલેક્ટ્રિક આઈપીઓના કદ વિશે વાત કરીએ તો તે રૂ. 6,145.56 કરોડ હતો. આ IPO હેઠળ, કંપનીએ કુલ 72.37 કરોડ શેરનો નવો ઈશ્યુ જારી કર્યો હતો. જ્યારે 8.49 કરોડ શેર ઓફર ફોર સેલ દ્વારા જારી કરવામાં આવ્યા હતા. તેના શેરની ફાળવણી 7મી ઓગસ્ટ 2024ના રોજ કરવામાં આવી હતી અને 9મી ઓગસ્ટે એટલે કે આજે તેના શેર BSE અને NSE પર લિસ્ટેડ થયા હતા.
ગ્રે માર્કેટમાં સારો પ્રતિસાદ મળ્યો નથી
ગ્રે માર્કેટમાં OLA ઈલેક્ટ્રીકના શેરનો પ્રતિસાદ વધુ ન હતો. છેલ્લું ગ્રે માર્કેટ પ્રીમિયમ (GMP) શેર દીઠ રૂ. 3 હતું, પરંતુ લિસ્ટિંગ ફ્લેટ રહ્યું હતું. જોકે, આ પછી શેરમાં જોરદાર ઉછાળો જોવા મળ્યો હતો અને ઓલા ઈલેક્ટ્રિકના શેરમાં 18 ટકાથી વધુનો વધારો થયો હતો. તેઓ હાલમાં રૂ. 90 પ્રતિ શેર ઉપર ટ્રેડ કરી રહ્યાં છે. ઓલા ઇલેક્ટ્રિક કંપનીનું માર્કેટ કેપ 39,794.51 કરોડ રૂપિયા પર પહોંચી ગયું છે.