બાગી 4માંથી કપાયું શ્રદ્ધા કપૂર-દિશા પટણીનું પત્તુ ! આ અભિનેત્રીને ટાઈગર શોર્ફની ફિલ્મમાં મળી એન્ટ્રી

જ્યારથી ટાઈગર શ્રોફની આગામી ફિલ્મ બાગી 4 ની જાહેરાત કરવામાં આવી છે, ત્યારથી સોશિયલ મીડિયા પર તેના વિશે ભારે હાઈપ છે. ફિલ્મમાં અભિનેતા સંજય દત્તની એન્ટ્રી સાથે આ હાઈપને વધુ વેગ મળ્યો છે.

ટાઈગર શ્રોફ અને સંજય દત્ત બાદ આ વખતે બાગી 4માં કઈ અભિનેત્રી જોવા મળશે તેની ચર્ચાએ જોર પકડ્યું છે. કારણ કે છેલ્લા 3 ભાગમાં શ્રદ્ધા કપૂર અને દિશા પટાનીએ દર્શકોના દિલ જીતી લીધા છે. આ દરમિયાન બાગી 4ની લીડ એક્ટ્રેસ વિશે મોટા સમાચાર સામે આવ્યા છે. ચાલો જાણીએ કોણ છે તે અભિનેત્રી.

આ અભિનેત્રી બાગી 4માં જોવા મળશે

બાગી ફ્રેન્ચાઇઝીની શરૂઆત 2016માં નિર્માતા સાજિદ નડિયાદવાલાના નેતૃત્વમાં કરવામાં આવી હતી. ફિલ્મના પહેલા ભાગમાં ટાઈગર શ્રોફ સાથે શ્રદ્ધા કપૂર જોવા મળી હતી. 2018 માં, તેની સિક્વલ એટલે કે બાગી 2 રીલિઝ થઈ હતી અને દિશા પટાનીએ તેમાં શ્રદ્ધાની જગ્યા લીધી હતી. આ પછી, 2020 માં રિલીઝ થયેલી બાગી 3 દ્વારા શ્રદ્ધા કપૂર આ ફ્રેન્ચાઇઝીમાં પાછી આવી.

આ બંને અભિનેત્રીઓ બાગી 4માં જોવા નહીં મળે. પંજાબી અભિનેત્રી સોનમ બાજવા ટાઈગર શ્રોફની આ ફિલ્મનો ભાગ હશે. જેની જાણકારી તેણે પોતાના ઓફિશિયલ ઈન્સ્ટાગ્રામ હેન્ડલ પર આપી છે. સોનમ બાજવા બોલિવૂડમાં અભિનેત્રી તરીકે પોતાની છાપ છોડવા માટે તૈયાર છે.

માત્ર બાગી 4 જ નહીં, સોનમ સુપરસ્ટાર અક્ષય કુમારની કોમેડી ફ્રેન્ચાઈઝી ફિલ્મ હાઉસફુલ 5માં પણ મહત્વની ભૂમિકા ભજવતી જોવા મળશે. તમને જણાવી દઈએ કે હાઉસફુલ 5 સોનમ બાજવાની પહેલી હિન્દી ફિલ્મ બનવા જઈ રહી છે, જે આવતા વર્ષે મોટા પડદા પર રિલીઝ થશે.

બાગી 4 ક્યારે રિલીઝ થશે?

બાગી 4માં સોનમ બાજવા સિવાય અન્ય અભિનેત્રી પણ જોવા મળી શકે છે. જો કે હજુ સુધી આ અંગે કોઈ માહિતી સામે આવી નથી. જો આપણે બાગી 4ની રિલીઝ ડેટ પર નજર કરીએ તો મેકર્સે તેને એક વર્ષ અગાઉથી બુક કરી લીધી છે.

ટાઈગર શ્રોફની આ એક્શન થ્રિલર 5 સપ્ટેમ્બર 2025ના રોજ સિનેમાઘરોમાં રિલીઝ થશે. જાણવા મળે છે કે આ પહેલા બાગી ફ્રેન્ચાઈઝીના 3 ભાગ રિલીઝ થઈ ચૂક્યા છે અને આશ્ચર્યજનક વાત એ છે કે ત્રણેયને બોક્સ ઓફિસ પર સફળતા મળી છે.