સંરક્ષણ ક્ષેત્રની દિગ્ગજ કંપનીને મળ્યો ‘મહારત્ન’નો દરજ્જો, આ કંપનીને થશે મોટો ફાયદો

સંરક્ષણ ક્ષેત્રની દિગ્ગજ હિંદુસ્તાન એરોનોટિક્સ લિમિટેડને લઈને મોટી માહિતી સામે આવી છે. આ સરકારી કંપનીને ‘મહારત્ન’નો દરજ્જો મળ્યો છે. આ સાથે HAL મહારત્નનો દરજ્જો મેળવનારી દેશની 14મી કંપની બની. તમને જણાવી દઈએ કે, શનિવારે સોશિયલ મીડિયા પ્લેટફોર્મ X પર આ માહિતી શેર કરી હતી. DPEએ કહ્યું કે નાણામંત્રી નિર્મલા સીતારમણે આ PSU કંપનીને ‘મહારત્ન’ દરજ્જો અપગ્રેડ કરવાની મંજૂરી આપી છે.

સોશિયલ મીડિયા પ્લેટફોર્મ X પર આ માહિતી આપતા  લખ્યું છે કે નાણામંત્રીએ હિન્દુસ્તાન એરોનોટિક્સ લિમિટેડ (HAL)ને મહારત્નનો દરજ્જો અપગ્રેડ કરવાની મંજૂરી આપી દીધી છે. અગાઉ આ પ્રસ્તાવ આંતર-મંત્રાલય સમિતિ દ્વારા આપવામાં આવ્યો હતો. તમને જણાવી દઈએ કે, હિન્દુસ્તાન એરોનોટિક્સ લિમિટેડનું વાર્ષિક ટર્નઓવર 28162 કરોડ રૂપિયા છે. નાણાકીય વર્ષ 2023-24 દરમિયાન કંપનીનો ચોખ્ખો નફો 7595 કરોડ રૂપિયા હતો.
મહારત્નનો દરજ્જો મળવાથી શું ફાયદો?

હિન્દુસ્તાન એરોનોટિક્સ લિમિટેડને હવે વધુ સ્વતંત્રતા મળશે. વ્યૂહાત્મક રીતે વધુ છૂટછાટ મળશે. કંપની હવે સરકારની મંજૂરી વિના એક પ્રોજેક્ટમાં રૂ. 5000 કરોડ અથવા નેટવર્થના 15 ટકાનું રોકાણ કરી શકે છે. અન્ય મહારત્ન કંપનીઓની જેમ હવે HALને પણ સ્થાનિક અને આંતરરાષ્ટ્રીય બજારોમાં મર્જર, એક્વિઝિશન અને વ્યૂહાત્મક રોકાણની સ્વતંત્રતા મળશે.

દેશની કઈ કંપનીઓને મહારત્નનો દરજ્જો મળ્યો છે?

1- NTPC લિમિટેડ (NTPC)

2- ઓઇલ એન્ડ નેચરલ ગેસ કોર્પોરેશન (ONGC)

3- સ્ટીલ ઓથોરિટી ઓફ ઈન્ડિયા (સેલ)

4- ભારત હેવી ઇલેક્ટ્રિકલ્સ લિમિટેડ (BHEL)

5- ઇન્ડિયન ઓઇલ કોર્પોરેશન લિમિટેડ (IOCL)

6- હિન્દુસ્તાન પેટ્રોલિયમ કોર્પોરેશન લિમિટેડ (HPCL)

7- કોલ ઈન્ડિયા લિમિટેડ (CIL)

9- ભારત પેટ્રોલિયમ કોર્પોરેશન લિમિટેડ (BPCL)

10- પાવર ગ્રીડ કોર્પોરેશન ઓફ ઈન્ડિયા લિમિટેડ

12- ઓઈલ ઈન્ડિયા લિમિટેડ (OIL)

13- પાવર ફાઇનાન્સ કોર્પોરેશન (PFC)

14- હિન્દુસ્તાન એરોનોટિક્સ લિમિટેડ (HAL)