રિલાયન્સ ઇન્ડસ્ટ્રીઝના માલિક મુકેશ અંબાણીએ ખરીદ્યું ભારતનું સૌથી મોંઘુ જેટ, કિંમત જાણીને તમે થઇ જશો આશ્ચર્યચકિત.

મુકેશ અંબાણીએ ભારતનું સૌથી મોંઘુ પ્રાઈવેટ જેટ ખરીદ્યુ છે. આ એક બિઝનેસ જેટ છે, જેનું નામ Boeing 737 MAX 9 છે. Boeing 737 MAX 9 જેટની કિંમત 118.5 મિલિયન ડોલર એટલે કે લગભગ 987 કરોડ રૂપિયા છે.

રિલાયન્સ ઈન્ડસ્ટ્રીઝના ચેરમેન મુકેશ અંબાણી એશિયાના સૌથી ધનિક વ્યક્તિઓમાંના એક છે. મુકેશ અંબાણી પાસે 9.2 લાખ કરોડ રૂપિયાની સંપત્તિ છે. મુકેશ અંબાણી પાસે ઘણી વૈભવી મિલકતો છે. હવે આ પ્રોપર્ટીમાં વધુ એક વસ્તુનો ઉમેરો થયો છે. મુકેશ અંબાણીએ ભારતનું સૌથી મોંઘુ પ્રાઈવેટ જેટ ખરીદ્યુ છે. આ એક બિઝનેસ જેટ છે, જેનું નામ Boeing 737 MAX 9 છે.

બોઇંગ 737 MAX 9 જેટની કિંમત કેટલી છે?

Boeing 737 MAX 9 જેટની કિંમત 118.5 મિલિયન ડોલર એટલે કે લગભગ 987 કરોડ રૂપિયા છે. આ કિંમતમાં કસ્ટમ ફેરફારો અને કેબિન રિટ્રોફિટિંગનો સમાવેશ થતો નથી, જે કુલ ખર્ચમાં નોંધપાત્ર રકમ ઉમેરે છે. મુકેશ અંબાણીએ આ પ્રાઈવેટ જેટમાં 1000 કરોડ રૂપિયાથી વધુનો ખર્ચ કર્યો છે. આવી સ્થિતિમાં આ જેટ દેશના સૌથી મોંઘા જેટમાંથી એક બની ગયું છે.

બોઇંગ 737 MAX 9 જેટ સિવાય મુકેશ અંબાણીની પાસે 9 વધુ ખાનગી જેટ છે. તેમાં બોમ્બાર્ડિયર ગ્લોબલ 6000, બે ડેસોલ્ટ ફાલ્કન 900 અને એક એમ્બ્રેર ERJ-135 જેવા એરક્રાફ્ટનો સમાવેશ થાય છે.

બોઇંગ 737 MAX 9 જેટની વિશેષતાઓ શું છે?

બોઇંગ 737 MAX 9 તેની વિશાળ કેબિન અને કાર્ગો જગ્યા માટે જાણીતું છે. આ જેટ બે CFMI LEAP-1B એન્જિન દ્વારા સંચાલિત છે. MSN 8401 નામના આ એરક્રાફ્ટની એક સમયની ફ્લાઇટ રેન્જ અંદાજે 11,770 કિલોમીટર છે. તેના જેટમાં તે તમામ સુવિધાઓ છે જે આ ક્ષમતાના જેટ પાસેથી અપેક્ષિત છે.

મુકેશ અંબાણીની સૂચના મુજબ આ જેટમાં નોંધપાત્ર ફેરફાર કરવામાં આવ્યા છે. સ્વિટ્ઝર્લેન્ડના યુરોએરપોર્ટ બેસલ-મુલહાઉસ-ફ્રીબર્ગ ખાતે વ્યાપક ફેરફારો કર્યા બાદ વિમાન ભારત પહોંચ્યું છે. આ વિમાન 27 ઓગસ્ટ 2024ના રોજ ભારત પહોંચ્યું હતું.