International News: ગ્લોબલ વોર્મિંગ અને તેના પરિણામોને ઘટાડવાના પગલાં અંગે વિશ્વભરમાં ચર્ચા ચાલી રહી છે. જળવાયુ પરિવર્તનના કારણે વધતી જતી કુદરતી આફતો અને પૃથ્વીના વધતા તાપમાનની પણ ચર્ચા થઈ રહી છે. ગયા વર્ષે સમગ્ર યુરોપ હીટ વેબ સાથે સંઘર્ષ કરી રહ્યું હતું. દરમિયાન આ અંગેના એક રિપોર્ટમાં ચિંતાજનક આંકડા સામે આવ્યા છે. સોમવારે પ્રકાશિત બાર્સેલોના ઇન્સ્ટિટ્યુટ ફોર ગ્લોબલ હેલ્થ (ISGlobal) ના અહેવાલ મુજબ 2023 માં યુરોપમાં ભારે ગરમીથી 47,000 થી વધુ લોકો મૃત્યુ પામી શકે છે. અહેવાલમાં જણાવાયું છે કે દક્ષિણ યુરોપ સૌથી વધુ પ્રભાવિત થયું હતું.
રિપોર્ટમાં યુરોપના 35 દેશોનું તાપમાન નોંધવામાં આવ્યું છે. તેમનો અંદાજ છે કે 47,690 લોકો ઉચ્ચ તાપમાન સંબંધિત કારણોથી મૃત્યુ પામ્યા હતા. વસ્તીની દૃષ્ટિએ ગ્રીસ, બલ્ગેરિયા, ઈટાલી અને સ્પેનમાં ગરમીના કારણે સૌથી વધુ મૃત્યુ થયા છે.
આ પહેલા 2023 વિશ્વનું અત્યાર સુધીનું સૌથી ગરમ વર્ષ હતું. આ અહેવાલમાં જણાવાયું છે કે યુરોપ સૌથી ઝડપી દરે ગરમ થઈ રહ્યું છે અને અહીંના લોકો તીવ્ર ગરમીના કારણે આરોગ્યના જોખમોનો સામનો કરી રહ્યા છે. જો કે, સ્પેનિશ રિસર્ચ સેન્ટરના અહેવાલ મુજબ, 2023 માં મૃત્યુની સંખ્યા ગયા વર્ષના અનુમાનિત 60,000 મૃત્યુના આંકડા કરતાં ઓછી છે. એવો દાવો કરવામાં આવ્યો છે કે લોકોને વધતા તાપમાન સાથે અનુકૂલન કરવામાં મદદ કરવા માટે લેવામાં આવેલા પગલાંને કારણે છેલ્લા 20 વર્ષમાં મૃત્યુની આ સંખ્યામાં 80% ઘટાડો થયો છે. આ પગલાંઓમાં ચેતવણી પ્રણાલીમાં સુધારો અને આરોગ્ય સંભાળનો સમાવેશ થાય છે.