જેમ જેમ ચેમ્પિયન્સ ટ્રોફી ટુર્નામેન્ટ આગળ વધી રહી છે, તેમ તેમ સેમિફાઇનલ માટેની દોડ પણ વધુ રોમાંચક બની રહી છે. અત્યાર સુધી, ફક્ત ગ્રુપ A ની ટીમો જ સેમિફાઇનલમાં પોતાનું સ્થાન બનાવી શકી છે. ગ્રુપ બીની ટીમો હજુ સુધી સેમિફાઇનલ માટે ક્વોલિફાય થઈ શકી નથી. હાલમાં, ગ્રુપ B ની બધી ટીમો પાસે સેમિફાઇનલમાં સ્થાન મેળવવાની સુવર્ણ તક છે. હાલમાં, દક્ષિણ આફ્રિકા ગ્રુપ B માં પોઈન્ટ ટેબલમાં ટોચ પર છે, પરંતુ દક્ષિણ આફ્રિકા હજુ પણ સેમિફાઇનલની રેસમાંથી બહાર થવાનો ખતરો અનુભવી રહ્યું છે.
દક્ષિણ આફ્રિકાને આ ટીમથી ખતરો છે
દક્ષિણ આફ્રિકાએ ચેમ્પિયન્સ ટ્રોફીમાં અત્યાર સુધીમાં 2 મેચ રમી છે. જેમાં ટીમે એક જીત મેળવી હતી, જ્યારે બીજી મેચ વરસાદને કારણે રદ કરવામાં આવી હતી. દક્ષિણ આફ્રિકાનો બીજો મુકાબલો મંગળવારે ઓસ્ટ્રેલિયા સાથે થવાનો હતો પરંતુ વરસાદને કારણે મેચ રદ કરવામાં આવી હતી, જેના કારણે બંને ટીમોને 1-1 પોઈન્ટ આપવામાં આવ્યા હતા. દક્ષિણ આફ્રિકા અને ઓસ્ટ્રેલિયા બંનેના ૩-૩ પોઈન્ટ છે. હવે દક્ષિણ આફ્રિકાએ સેમિફાઇનલમાં પહોંચવા માટે તેની આગામી મેચ જીતવી પડશે.
દક્ષિણ આફ્રિકાનો આગામી મુકાબલો ઇંગ્લેન્ડ સાથે છે. આ મહત્વપૂર્ણ મેચ 1 માર્ચે રમાશે. આ મેચ જીતીને દક્ષિણ આફ્રિકાના 5 પોઈન્ટ થશે, જે સેમિફાઇનલમાં પહોંચવા માટે પૂરતા છે. આ ઉપરાંત, જો આ મેચમાં ઈંગ્લેન્ડ દક્ષિણ આફ્રિકાને હરાવે છે તો તેમના માટે સેમિફાઇનલનો રસ્તો બંધ થઈ જશે.
આવી સ્થિતિમાં, આ મેચ દક્ષિણ આફ્રિકા માટે ખૂબ જ મહત્વપૂર્ણ બનવાની છે. દક્ષિણ આફ્રિકાએ પહેલી મેચમાં અફઘાનિસ્તાનને હરાવ્યું હતું. તે જ સમયે, આજે ઈંગ્લેન્ડ અને અફઘાનિસ્તાન વચ્ચે એક મહત્વપૂર્ણ મેચ રમાશે. આ મેચ જીતનાર ટીમને સેમિફાઇનલમાં પહોંચવાની શક્યતા વધી જશે.
