બેંગલુરુમાં ભારે વરસાદ વચ્ચે એક નિર્માણાધીન ઈમારત ધરાશાયી થઈ ગઈ છે. કાટમાળ નીચે 20 મજૂરો ફસાયા હોવાની આશંકા છે. તેમાંથી એકનું મોત થયું છે, 14ને બચાવી લેવામાં આવ્યા છે અને 5 હજુ પણ ગુમ છે. આ ઘટના બેંગલુરુ પૂર્વના હોરામાવુ આગ્રા વિસ્તારમાં બની હતી અને ઇમરજન્સી સેવાઓ કામદારોની શોધ માટે સ્થળ પર પહોંચી ગઈ છે.
ફાયર અને ઈમરજન્સી વિભાગની બે રેસ્ક્યુ વાન બચાવ કામગીરી માટે તૈનાત કરવામાં આવી છે. અધિકારીઓએ આ ઘટનાની જાણકારી આપી છે. તેમણે કહ્યું કે આ ઘટના એવા સમયે બની જ્યારે શહેરમાં ભારે વરસાદ પડી રહ્યો હતો.
ઘણા લોકો કાટમાળ નીચે આવી ગયા હતા
એક વરિષ્ઠ પોલીસ અધિકારીએ જણાવ્યું હતું કે, “બિલ્ડીંગની અંદર 17 લોકો ફસાયા હોવાની આશંકા છે અને અન્ય એજન્સીઓની મદદથી સંકલિત પ્રયાસોમાં બચાવ કામગીરી હાથ ધરવામાં આવી રહી છે.” ફાયર વિભાગના એક અધિકારીએ જણાવ્યું કે, પ્રાથમિક તપાસ મુજબ આખી ઇમારત ધરાશાયી થઈ ગઈ અને લોકો નીચે ફસાઈ ગયા.
બેંગલુરુમાં છેલ્લા ત્રણ દિવસથી સતત વરસાદ પડી રહ્યો છે. આવી સ્થિતિમાં, ઘણા વિસ્તારોમાં પૂરના કારણે, મંગળવારે, શહેરમાં ફસાયેલા લોકોને બચાવવા માટે સ્ટેટ ડિઝાસ્ટર રિસ્પોન્સ ફોર્સ (SDRF) અને નેશનલ ડિઝાસ્ટર રિસ્પોન્સ ફોર્સ (NDRF) ની પાંચ ટીમો તૈનાત કરવામાં આવી છે.
બચાવકર્મીઓએ બોટની મદદથી લોકોને બહાર કાઢ્યા હતા
દરમિયાન, ઉત્તર બેંગલુરુ સૌથી વધુ પ્રભાવિત થયું છે કારણ કે યેલાહંકા અને તેની આસપાસના ઘણા વિસ્તારોમાં પૂર આવ્યું છે. યેલાહંકાના સેન્ટ્રલ વિહાર કમર-ઊંડા પાણીથી ભરેલા છે. તમને જણાવી દઈએ કે બચાવકર્મીઓ મદદ માટે એકઠા થયા છે, બચાવકર્મીઓએ બોટની મદદથી લોકોને બહાર કાઢ્યા.
અનેક જગ્યાએ પાણી ભરાયા હતા
ઉત્તર બેંગલુરુમાં પાણી ભરાવાને કારણે જનજીવન અસ્તવ્યસ્ત થઈ ગયું છે. આવી સ્થિતિમાં, લોકો ભાગ્યે જ તેમના ઘરની બહાર નીકળી રહ્યા છે, ઘણા મુસાફરો તેમની ફ્લાઇટ્સ, ટ્રેન અને બસ ચૂકી ગયા છે. પાણી ભરાયેલા વિસ્તારોમાં બાળકો શાળાએ જઈ શકતા નથી.
બેંગલુરુમાં હવે હવામાન કેવું રહેશે?
આજે, ભારતીય હવામાન વિભાગ (IMD) એ 22 ઓક્ટોબરે વધુ વાવાઝોડાની આગાહી કરી છે અને લઘુત્તમ તાપમાન 21 ડિગ્રી સેલ્સિયસની આસપાસ રહેશે.
IMD અનુસાર, બેંગલુરુ આજે શહેરી અને ગ્રામીણ વિસ્તારોમાં હળવાથી મધ્યમ વરસાદ અને ગાજવીજ સાથે વાદળછાયું રહેવાની ધારણા છે. શહેરમાં મહત્તમ તાપમાન 29 ડિગ્રી અને લઘુત્તમ તાપમાન 21 ડિગ્રી સેલ્સિયસ રહેવાની ધારણા છે.
