વર્લ્ડ હેલ્થ ઓર્ગેનાઈઝેશન (WHO) એ મંગળવારે ટ્રેકોમાને દૂર કરવા બદલ ભારતનું સન્માન કર્યું હતું. ટ્રેકોમા એ આંખોનો રોગ છે. આ અંધત્વનું કારણ બની શકે છે. આ સિદ્ધિ મેળવનાર ભારત દક્ષિણ પૂર્વ એશિયાનો ત્રીજો દેશ છે.
આ પહેલા નેપાળ અને મ્યાનમાર આ સિદ્ધિ મેળવી ચૂક્યા છે. દક્ષિણ-પૂર્વ એશિયા માટે WHOના પ્રાદેશિક નિર્દેશક સાયમા વાજિદે જણાવ્યું હતું કે સરકારના મજબૂત નેતૃત્વ, નેત્ર ચિકિત્સકો અને આરોગ્ય સંભાળ કાર્યકરોની પ્રતિબદ્ધતાને કારણે ભારતે આ સફળતા હાંસલ કરી છે. રાષ્ટ્રીય રાજધાનીમાં આયોજિત પબ્લિક હેલ્થ એવોર્ડ સમારોહમાં વાજિદે ભારતને પ્રશસ્તિપત્ર પણ આપ્યું હતું.
ટ્રેકોમા કેવી રીતે ફેલાય છે?
ટ્રેકોમા ચેપ સ્વચ્છતાના અભાવ અને ગંદા પાણીના પુરવઠાને કારણે થાય છે. આ રોગ ચેપગ્રસ્ત વ્યક્તિના સંપર્ક દ્વારા અથવા આડકતરી રીતે માખીઓ દ્વારા ફેલાય છે. ડબ્લ્યુએચઓએ ભૂટાન, માલદીવ્સ, તિમોર-લેસ્તેને વિવિધ રોગોને નાબૂદ કરવાના લક્ષ્યાંકો હાંસલ કરવા બદલ પણ અભિનંદન આપ્યા હતા.
ઇન્ડોનેશિયા, માલદીવ્સ, શ્રીલંકા અને થાઇલેન્ડને પણ પાંચ વર્ષથી ઓછી વયના મૃત્યુદર, બાળ મૃત્યુદર અને મૃત્યુદર ઘટાડવા માટે સન્માનિત કરવામાં આવ્યા હતા.