Telangana Legislative Assembly : તેલંગાણા વિધાનસભાએ ગુરુવારે રાજ્યમાં યંગ ઈન્ડિયા સ્કિલ યુનિવર્સિટી-તેલંગાણાની સ્થાપના કરવા માટેનું બિલ પસાર કર્યું છે. ઉદ્યોગ પ્રધાન ડી શ્રીધર બાબુએ યંગ ઈન્ડિયા સ્કિલ યુનિવર્સિટી બિલ રજૂ કર્યું અને ગૃહમાં તેની ચર્ચા થઈ.
બિલ પર બોલતા, મુખ્ય પ્રધાન એ રેવન્ત રેડ્ડીએ જણાવ્યું હતું કે, મહાત્મા ગાંધી પાસેથી પ્રેરણા લઈને, તેલંગાણા સરકારે યુનિવર્સિટીનું નામ “યંગ ઈન્ડિયા સ્કિલ યુનિવર્સિટી” રાખ્યું છે. તમને જણાવી દઈએ કે મહાત્મા ગાંધીએ સ્વતંત્રતા સંગ્રામ દરમિયાન અંગ્રેજી મેગેઝિન ‘યંગ ઈન્ડિયા’ની શરૂઆત કરી હતી. રેડ્ડીએ એમ પણ કહ્યું કે યુનિવર્સિટી પીપીપી મોડલ પર ચલાવવામાં આવશે.
આ યુનિવર્સિટીનો હેતુ શું છે?
શ્રીધર બાબુએ જણાવ્યું હતું કે, “અમે યુનિવર્સિટીઓ, ઉદ્યોગો અને વિદ્યાર્થીઓ સાથે પ્રસ્તાવિત યુનિવર્સિટી પર ચર્ચાના ઘણા રાઉન્ડ કર્યા છે. આ યુનિવર્સિટી વિદ્યાર્થીઓને આંતરરાષ્ટ્રીય ધોરણોને પૂર્ણ કરવા માટે તૈયાર કરવા પર ધ્યાન કેન્દ્રિત કરશે.”
તેમણે જણાવ્યું હતું કે યુનિવર્સિટી ઉદ્યોગ સાથે મળીને BFSI, ફાર્મા અને લાઇફ સાયન્સ, આર્ટિફિશિયલ ઇન્ટેલિજન્સ, રિટેલ અને ઇ-કોમર્સ જેવા ચોક્કસ ક્ષેત્રોમાં વિદ્યાર્થીઓને કૌશલ્ય બનાવવા પર ધ્યાન કેન્દ્રિત કરશે. તેમણે વધુમાં જણાવ્યું હતું કે અહીં નજીકના મુચરલા ખાતે 50 એકરથી વધુ જમીનમાં સ્કિલ યુનિવર્સિટી માટે કાયમી કેમ્પસ બનાવવામાં આવશે.
મુખ્યમંત્રી રેવંત રેડ્ડીએ વિપક્ષી પાર્ટીની મહિલા પર ટિપ્પણી કરી હતી
ચર્ચા દરમિયાન, BRS સભ્યોએ સ્પીકરની સામે વિરોધ કર્યો અને આરોપ લગાવ્યો કે મુખ્યમંત્રી રેવન્ત રેડ્ડીએ બુધવારે વિરોધ પક્ષની મહિલા સભ્યો પર કેટલીક ટિપ્પણી કરી હતી. બાદમાં BRS ધારાસભ્ય હરીશ રાવે કહ્યું કે તેમની પાર્ટી બિલને સમર્થન આપી રહી છે.