India-Oman Relations: ત્રીજી વખત ભારતના વડાપ્રધાન બન્યા બાદ નરેન્દ્ર મોદીને દુનિયાભરના દેશોમાંથી અભિનંદન મળી રહ્યા છે. આ દરમિયાન ઓમાનના સુલતાન હૈથમ બિન તારિકે વડાપ્રધાન નરેન્દ્ર મોદીને ફોન કરીને અભિનંદન પાઠવ્યા છે. ઓમાનના સુલતાને ભારતના લોકોની પ્રગતિ અને સમૃદ્ધિ માટે શુભેચ્છાઓ પાઠવી છે.
વડાપ્રધાન મોદીએ સુલતાન હૈથમ બિન તારિકનો તેમની શુભકામનાઓ માટે આભાર માન્યો અને ડિસેમ્બર 2023માં મહામહિમની ભારતની ઐતિહાસિક મુલાકાતને પણ યાદ કરી. બંને નેતાઓએ ભારત-ઓમાન સંબંધોને વધુ મજબૂત બનાવવાની તેમની પ્રતિબદ્ધતાને પુનઃપુષ્ટ કરી છે.
પીએમ મોદીએ ઈદની શુભેચ્છા પાઠવી
આ સાથે વડાપ્રધાન મોદીએ સુલતાન હૈથમ બિન તારિક અને ઓમાનના લોકોને ઈદની શુભેચ્છા પાઠવી હતી. PIB અનુસાર, ઓમાનના સુલતાને મંગળવારે (11 જૂન) PM મોદીને ફોન કર્યો હતો અને સુલતાન હૈથમ બિન તારિકે નરેન્દ્ર મોદીને તાજેતરમાં પૂર્ણ થયેલી લોકસભાની ચૂંટણી બાદ ત્રીજી મુદત માટે વડા પ્રધાન તરીકેની પુનઃનિયુક્તિ બદલ અભિનંદન આપ્યા હતા.
ઓમાનના સુલતાન ડિસેમ્બર 2023માં દિલ્હી પહોંચ્યા હતા
સુલતાને ઓમાન અને ભારત વચ્ચેના મૈત્રીપૂર્ણ સંબંધો પર ભાર મૂક્યો અને ભારતના લોકોની પ્રગતિ અને સમૃદ્ધિ માટે શુભેચ્છાઓ આપી. તમને જણાવી દઈએ કે ઓમાનના સુલતાન હૈથમ બિન તારિક 15 ડિસેમ્બર, 2023ના રોજ ભારતની ત્રણ દિવસની સરકારી મુલાકાતે દિલ્હી પહોંચ્યા હતા. તે પોતાની લક્ઝુરિયસ લાઈફસ્ટાઈલને કારણે હંમેશા ચર્ચામાં રહે છે.
Prime Minister @narendramodi receives a congratulatory telephone call from the Sultan of Oman
His Majesty Sultan Haitham Bin Tarik conveys his best wishes for the progress and prosperity of the people of India
Both leaders reaffirm their commitment to further strengthen…
— PIB India (@PIB_India) June 11, 2024
પાકિસ્તાને પણ શુભેચ્છા પાઠવી છે
આ પહેલા પાકિસ્તાનના પીએમએ પણ નરેન્દ્ર મોદીને ત્રીજી વખત પીએમ બનવા પર અભિનંદન પાઠવ્યા હતા.