મહારાષ્ટ્રના મુંબઈના બોરીવલી રેલ્વે સ્ટેશન પર ટ્રેનમાંથી ઉતરતી વખતે, એક મહિલાનો પગ લપસી ગયો અને તે ટ્રેન અને પ્લેટફોર્મ વચ્ચે પડી ગઈ. પ્લેટફોર્મ પર ઉભેલા રેલવે પોલીસ કર્મચારીએ તત્પરતા દાખવી અને તરત જ મહિલાને સુરક્ષિત બહાર કાઢી. આ સમગ્ર ઘટનાનો વીડિયો સોશિયલ મીડિયા પર ઝડપથી વાયરલ થઈ રહ્યો છે.
વીડિયોમાં, ટ્રેન ધીમે ધીમે આગળ વધતી જોઈ શકાય છે, જેમાંથી એક મહિલા પ્લેટફોર્મ પર નીચે ઉતરવાનો પ્રયાસ કરે છે. ખતરો સમજીને, ત્યાં હાજર પોલીસકર્મી તરત જ મહિલા તરફ દોડે છે. આ દરમિયાન, મહિલા ટ્રેનમાંથી નીચે પડી જાય છે, જેના કારણે તેના પગ ટ્રેનના પાટા પર જાય છે. મહિલા સંપૂર્ણપણે પાટા પર ઉતરવા જતી હતી ત્યારે પોલીસકર્મીએ તરત જ તેને બહાર કાઢી.
महाराष्ट्र के बोरीवली रेलवे स्टेशन पर एक महिला चलती ट्रेन से उतरते समय असंतुलित होकर गिर पड़ी। वहां मौजूद रेलवे सुरक्षाकर्मी ने तत्परता दिखाते हुए उसे बचा लिया।
कृपया चलती ट्रेन से चढ़ने या उतरने की कोशिश न करें।#MissionJeevanRaksha pic.twitter.com/6R8FALdD0d
— Ministry of Railways (@RailMinIndia) March 9, 2025
રેલેવે લોકોને આ અપીલ કરી
આ વીડિયો ભારતીય રેલ્વેના X હેન્ડલ પર શેર કરવામાં આવ્યો છે, જેમાં લખ્યું છે કે, “મહારાષ્ટ્રના બોરીવલી રેલ્વે સ્ટેશન પર, એક મહિલા ચાલતી ટ્રેનમાંથી ઉતરતી વખતે પોતાનું સંતુલન ગુમાવી બેઠી અને પડી ગઈ. ત્યાં હાજર રેલ્વે સુરક્ષા કર્મચારીઓએ તત્પરતા દાખવી અને તેણીને બચાવી લીધી. કૃપા કરીને ચાલતી ટ્રેનમાં ચઢવાનો કે ઉતરવાનો પ્રયાસ કરશો નહીં.”
હવે લોકો આ વીડિયો પર પોતાની પ્રતિક્રિયા આપી રહ્યા છે. એક યુઝરે લખ્યું, “આવા સતર્ક અને સમર્પિત RPF (રેલ્વે પ્રોટેક્શન ફોર્સ) અધિકારીઓને મુસાફરોને મદદ કરવામાં તેમના તાત્કાલિક પગલાં બદલ યોગ્ય પુરસ્કાર મળવો જોઈએ. આ ચોક્કસપણે તેમનું મનોબળ વધારશે અને તેમના સાથીદારો માટે પ્રેરણારૂપ પણ બનશે.”