મહારાષ્ટ્રના બીડ જિલ્લામાં ધુળે-સોલાપુર રાષ્ટ્રીય ધોરીમાર્ગ પર ગેવરાઈ શહેર નજીક ગાંધી બ્રિજ પર સોમવારે રાત્રે ૧૧ વાગ્યાની આસપાસ એક દુ:ખદ ઘટનામાં, એક ઝડપી SUV ડિવાઈડર સાથે અથડાઈ ગઈ, જેમાં શરૂઆતમાં કોઈને ઈજા થઈ ન હતી. પરંતુ જ્યારે મુસાફરો કારમાંથી બહાર નીકળ્યા અને ડિવાઇડર પરથી વાહન હટાવવાનો પ્રયાસ કરવા લાગ્યા, ત્યારે એક ઝડપી ટ્રકે તેમને કચડી નાખ્યા. આ અકસ્માતમાં છ લોકોના ઘટનાસ્થળે જ મોત થયા હતા.
આ રીતે થયો અકસ્માત
પોલીસના જણાવ્યા અનુસાર, એસયુવી ડિવાઇડર સાથે અથડાયા પછી રસ્તા પર અટકી ગઈ ત્યારે અકસ્માત થયો. બધા મુસાફરો સુરક્ષિત હતા અને વાહન ખસેડવાનો પ્રયાસ કરી રહ્યા હતા. આ દરમિયાન, એક ઝડપી ટ્રકે તેમને ટક્કર મારી, જેમાં છ લોકોના ઘટનાસ્થળે જ મોત થયા. મૃતકોની ઓળખ હજુ સુધી જાહેર કરવામાં આવી નથી.
પોલીસ તપાસમાં લાગી
આ ઘટના અંગે બીડના પોલીસ અધિક્ષક (એસપી) નવનીત કાનવતે જણાવ્યું હતું કે, “અકસ્માતની માહિતી મળતા જ પોલીસ ઘટનાસ્થળે પહોંચી ગઈ હતી. અમે આ કેસની તપાસ શરૂ કરી દીધી છે અને ટ્રક ડ્રાઈવર સામે કાર્યવાહી કરવામાં આવી રહી છે, પોલીસે ફોરેન્સિક પુરાવા એકત્રિત કર્યા છે અને અકસ્માતનું ચોક્કસ કારણ જાણવા માટે સીસીટીવી ફૂટેજની તપાસ કરી રહી છે.”