ED Raid : ઓનલાઈન સટ્ટાબાજી અને ગેમિંગ એપ ફ્રોડ કેસમાં ઈડીએ મોટી કાર્યવાહી કરી છે. તપાસ એજન્સીએ આ કેસમાં ચાર લોકોની ધરપકડ કરી છે જેઓ કથિત રીતે આ એપને કેટલાક ચીની નાગરિકો સાથે મળીને ચલાવી રહ્યા હતા. તેના દ્વારા 400 કરોડથી વધુની છેતરપિંડીનો આરોપ છે.
ઓનલાઈન સટ્ટાબાજી અને ગેમિંગ એપ દ્વારા 400 કરોડ રૂપિયાની છેતરપિંડી મામલે EDએ ચાર લોકોની ધરપકડ કરી છે. ચીનના નાગરિકો કથિત રીતે કેટલાક ભારતીયો સાથે મળીને આ એપ ચલાવી રહ્યા હતા.
EDએ શુક્રવારે એક નિવેદનમાં કહ્યું કે અરુણ સાહુ, આલોક સાહુ, ચેતન પ્રકાશ અને જોસેફ સ્ટાલિનની ફિવિન નામની એપ સાથે સંબંધિત કેસમાં એન્ટી મની લોન્ડરિંગ એક્ટ હેઠળ ધરપકડ કરવામાં આવી છે. આ મની લોન્ડરિંગ કેસ કોલકાતાના એક પોલીસ સ્ટેશનમાં ઓનલાઈન ગેમર્સ સાથે છેતરપિંડી અંગે દાખલ કરવામાં આવેલી એફઆઈઆર પર આધારિત છે.
કોર્ટે તેને 14 દિવસની કસ્ટડીમાં મોકલી દીધો હતો
આ FIR અજાણ્યા લોકો સામે નોંધવામાં આવી હતી. EDએ એ નથી જણાવ્યું કે આ લોકોની ક્યારે ધરપકડ કરવામાં આવી હતી, પરંતુ કહ્યું કે કોલકાતાની એક વિશેષ અદાલતે આ લોકોને 14 દિવસ માટે ED કસ્ટડીમાં મોકલી દીધા છે.
પોન્ઝી સ્કીમ ચલાવતી કંપનીની મિલકત જપ્ત
EDએ પોન્ઝી સ્કીમ ચલાવીને છેતરપિંડીમાં સામેલ કંપનીની રૂ. 29 કરોડથી વધુની સંપત્તિ જપ્ત કરી છે. આ કાર્યવાહી એન્ટી મની લોન્ડરિંગ એક્ટ હેઠળ તપાસ દરમિયાન કરવામાં આવી છે. EDએ શુક્રવારે એક નિવેદનમાં કહ્યું કે પર્લવાઈન ઈન્ટરનેશનલના બેનર હેઠળ ચાલતા પોર્ટલ વિરુદ્ધ આ કાર્યવાહી કરવામાં આવી છે.
આ મની લોન્ડરિંગ કેસ આરબીઆઈની ફરિયાદ પર મેઘાલય પોલીસના ક્રિમિનલ ઈન્વેસ્ટિગેશન વિભાગ દ્વારા નોંધાયેલી એફઆઈઆર પર આધારિત છે. પર્લવાઈન ઈન્ટરનેશનલ એ યુએસ કંપની હોવાનો દાવો કર્યો હતો, જેને માન્યતા આપવામાં આવી ન હતી. તે ઘણા આકર્ષક રોકાણ વિકલ્પો ઓફર કરે છે. તેણે સભ્યપદ ફી તરીકે ન્યૂનતમ રૂ. 2250 એકત્રિત કર્યા અને ભારતમાં 2018 અને માર્ચ 2023 વચ્ચે પોન્ઝી સ્કીમ ચલાવી.