દેશનો સંપૂર્ણ હિસાબ સંસદમાં રજૂ કરવામાં આવ્યો. કેન્દ્રીય નાણામંત્રી નિર્મલા સીતારમણે 2025-26નું સામાન્ય બજેટ રજૂ કર્યું. આ વખતે મોદી સરકારે સંરક્ષણ બજેટમાં વધારો કર્યો છે. આ વખતે સંરક્ષણ ક્ષેત્રને બજેટમાં ગયા વખતની સરખામણીમાં 35-36 હજાર કરોડ રૂપિયા વધુ મળ્યા છે.
કેન્દ્રીય નાણાંમંત્રી નિર્મલા સીતારમણે સંરક્ષણ ક્ષેત્ર માટે મોટી જાહેરાત કરી. નાણાકીય વર્ષ 2025-26માં સરકાર સંરક્ષણ ક્ષેત્ર પર 4,91,732 કરોડ રૂપિયા ખર્ચ કરશે. કેન્દ્રની મોદી સરકારે સંરક્ષણ વધારીને દેશની સુરક્ષાને મજબૂત બનાવવા પર ધ્યાન કેન્દ્રિત કર્યું.
સામાન્ય બજેટ અંગે, સંરક્ષણ પ્રધાન રાજનાથ સિંહે ઇન્સ્ટાગ્રામ પર પોસ્ટ કરીને કહ્યું કે તેઓ નાણામંત્રીને અભિનંદન આપે છે, જેમણે ભારતના વિકાસના વડા પ્રધાન નરેન્દ્ર મોદીના સંકલ્પને પૂર્ણ કરવા માટે એક અદ્ભુત બજેટ રજૂ કર્યું છે. આ બજેટ યુવાનો, ગરીબો, ખેડૂતો, મહિલાઓ તેમજ સમાજના તમામ વર્ગો અને ક્ષેત્રોના વિકાસને પ્રોત્સાહન આપશે. ખાસ કરીને મધ્યમ વર્ગના યોગદાનને ધ્યાનમાં રાખીને, આ બજેટ એક અભૂતપૂર્વ ભેટ લઈને આવ્યું છે. ૧૨ લાખ રૂપિયા સુધીની વાર્ષિક આવક પર આવકવેરામાં રાહત આપવાના નિર્ણયનું અમે સ્વાગત કરીએ છીએ. તેઓ ફરી એકવાર આ ઐતિહાસિક બજેટ માટે પ્રધાનમંત્રી અને નાણાંમંત્રીને અભિનંદન આપે છે.