Fashion Tips: ચોમાસુ આવી ગયું છે અને આ સિઝનમાં ઠંડી અને ગરમીના કારણે કેવા કપડાં પહેરવા એ યુવતીઓ માટે પ્રશ્ન બની જાય છે. આ સીઝનમાં ફેશનની સાથે વરસાદની મજા પણ માળવાની હોય છે. ચોમાસાની સીઝનમાં વર્કિંગ વુમન અને અન્ય યુવતીઓ માટે બહાર નીકળી દેખાવમાં સારા લાગે એવા કપડાં કયા પહેરવા જોઈએ, જેનાથી તમે પોતે પણ કમ્ફર્ટેબલ ફીલ કરી શકો એ વિશે અંજારના સખીયારીના ફાઉન્ડર કૃપાબેન ગોસ્વામી એ ફેશન ટિપ્સ આપી છે.
આ ફેશન ટિપ્સ કરો ફોલો
ફેશન ડિઝાઈનર કૃપાબેન જણાવે છે કે, ચોમાસાની ઋતુ એવી છે કે, જેમાં યુવતીઓને ફેશન ટિપ્સ ઓછી હોય છે. કારણ કે, ચોમાસામાં ગરમી પણ થતી હોય છે. એટલે કેવા કપડાં પહેરવા તે નક્કી કરી શકાતું નથી. એટલે આવી બિન આરામદાયક સીઝનમાં સારા અને આરામદાયક કપડાં કયા પહેરી શકીએ એ વિશે તેઓ માહિતી આપે છે.
ચોમાસામાં યુવતીઓ માટે ફેશન એડવાઇઝરી
ગરમી અને ઠંડી બંને હોવાના કારણે ડેનીમ સાથે કોટન પણ વેર કરી શકાય છે, જેમાં કોર્સેટમાં ખુલતા કપડાં હોવાના કારણે તે આરામદાયક પણ લાગે છે સાથે તેમાં અલગ અલગ કલર્સ હોય છે, તે પણ આકર્ષક દેખાય છે. ડેનીમમાં શર્ટ અને ડેનિમ જીન્સ પણ પહેરી શકાય છે. ઓફિસમાં વર્ક કરતી છોકરીઓને આ કપડાં ચોમાસામાં વધારે આકર્ષક લાગે છે. એ સિવાય ડેનિમની સાથે સાટીનમાં શર્ટ પહેરી શકાય છે અને કોટન ડેનીંગ પણ પહેરી શકાય છે.
કફતાન અને સ્કર્ટ બેસ્ટ લુક
એ સિવાય કફતાન પણ પહેરી શકાય છે કે, જે પ્રિન્ટેડ હોય. કફતાન એ ચોમાસાની સાથે ગરમીની ઋતુમાં પણ આરામદાયક અને દેખાવે સારું લાગે છે. આ સાથે સ્કર્ટ પણ વેર કરી શકાય છે, જે થોડી લાઇટ વેઇટ હોય, પ્રિન્ટેડ હોય, જેનાથી ફ્રેશ ફીલ પણ થઈ શકે છે. આ સ્કર્ટ સાથે ટોપ, શર્ટ પહેરી શકાય છે. ઇનર વેરમાં શ્રગ સાથે પહેરવાથી ખૂબ આકર્ષક દેખાવ લાગે છે. આ સિવાય ચોમાસામાં રેઇનકોટની જરૂર પડતી હોય છે, તો રેઇનકોટમાં તેને પણ હાફ કટ કરીને તેને આકર્ષક રીતે બનાવી શકીએ છે અને એ રીતે પહેરવાથી ચોમાસામાં રક્ષણની સાથે લુક પણ સરસ આવે છે.
