૨૨ એપ્રિલે જમ્મુ અને કાશ્મીરના પહેલગામમાં થયેલા આતંકવાદી હુમલા બાદ, કોંગ્રેસના વરિષ્ઠ નેતા અને લોકસભામાં વિપક્ષના નેતા રાહુલ ગાંધી શુક્રવારે શ્રીનગર પહોંચ્યા.
તેઓ અનંતનાગની હોસ્પિટલમાં દાખલ ઘાયલોને મળવા જઈ રહ્યા હતા. પરંતુ સૂત્રોના જણાવ્યા અનુસાર, અનંતનાગની હોસ્પિટલમાં કોઈ ઘાયલ વ્યક્તિ નથી. બધાને હોસ્પિટલમાંથી રજા આપવામાં આવી છે તેથી હાલમાં ત્યાં જવાનો કોઈ પ્લાન નથી.
એક ઘાયલ સૈનિક હોસ્પિટલમાં દાખલ છે, રાહુલ ગાંધીએ તેમને મળવાની પરવાનગી માંગી છે. હવે આ અંગે જવાબની રાહ જોવાઈ રહી છે. રાહુલ ગાંધી બપોરે 2 વાગ્યે મુખ્યમંત્રી ઓમર અબ્દુલ્લાને મળશે. તેઓ સ્થાનિક કોંગ્રેસ નેતાઓ અને લોકોને પણ મળે તેવી શક્યતા છે.
રાહુલ ગાંધી સાંજે 4 વાગ્યે લેફ્ટનન્ટ ગવર્નર મનોજ સિન્હા સાથે પણ મુલાકાત કરવાના છે. આ પછી તેઓ દિલ્હી જવા રવાના થશે.