શાહીન બાગ વિસ્તારમાં ગુરુવારે વહેલી સવારે એક રહેણાંક મકાનમાં ભીષણ આગ લાગી હતી. આગની જાણ થતા ફાયર બ્રિગેડની 8 ગાડીઓ ઘટના સ્થળે પહોંચી આગ પર કાબુ મેળવ્યો હતો. ફાયર વિભાગની ટીમે ભારે જહેમત બાદ આગ પર કાબુ મેળવ્યો હતો.
ફાયર વિભાગના જણાવ્યા અનુસાર આગમાં ઘરનો સામાન અને બિલ્ડિંગના પાર્કિંગમાં પાર્ક કરાયેલા 3 થી 4 વાહનો બળીને ખાખ થઈ ગયા હતા. આ ઘટનામાં કોઈ જાનહાનિના અહેવાલ નથી. આગ પાછળનું કારણ હજુ સુધી જાણવા મળ્યું નથી.
શાહીન બાગ વિસ્તારના જંગલમાં આગ લાગી હતી
અગાઉ, 6 એપ્રિલ, રવિવારની સાંજે શાહીન બાગ વિસ્તાર નજીકના જંગલમાં આગ ફાટી નીકળી હતી. આગ બુઝાવવા માટે ચાર ફાયર એન્જિન ઘટના સ્થળે પહોંચી ગયા હતા. જોકે આ ઘટનામાં કોઈને નુકસાન થયું ન હતું, પરંતુ આગના સમાચાર ફેલાતા વિસ્તારમાં ભયનો માહોલ ફેલાયો હતો.
અહેવાલો અનુસાર, રવિવારે સાંજે લગભગ 6:30 વાગ્યે, ફાયર બ્રિગેડને સનાબિલ મસ્જિદ, કાલિંદી કુંજ, શાહીન બાગની નજીકની ઝાડીઓમાં આગની માહિતી મળી હતી. જંગલ વિસ્તારમાં લાગેલી આગને કારણે આગ ઝડપથી ફેલાઈ હતી. જેના કારણે આસપાસના લોકોમાં ભય ફેલાયો હતો.
લોકોએ તાત્કાલિક ફાયર વિભાગને ફોન કરીને આગની જાણ કરી હતી. આ પછી ફાયર બ્રિગેડની ચાર ગાડીઓને ઘટનાસ્થળે મોકલવામાં આવી હતી. સમાચાર લખાય છે ત્યાં સુધી ફાયર બ્રિગેડ દ્વારા આગ ઓલવવાના પ્રયાસો ચાલુ હતા.