ગુજરાત ટાઇટન્સના ઓપનર સાઇ સુદર્શને IPLમાં ઇતિહાસ રચ્યો છે. સાઈ સુદર્શને એ કરી બતાવ્યું છે જે પહેલાં કોઈ ભારતીય બેટ્સમેને કર્યું ન હતું. સુદર્શન એક જ મેદાન પર સતત પાંચ વખત ૫૦ કે તેથી વધુ રન બનાવનાર પ્રથમ ભારતીય ખેલાડી બન્યો. જોકે, એબી ડી વિલિયર્સે પણ આરસીબી તરફથી રમતી વખતે આવી સિદ્ધિ મેળવી હતી.
સાઈ સુદર્શને ફરી એકવાર IPLમાં પોતાની ટીમ માટે શાનદાર ઇનિંગ રમી. ટોસ હારીને પહેલા બેટિંગ કરવા ગયેલી ગુજરાત ટાઇટન્સને શરૂઆતમાં જ ફટકો પડ્યો જ્યારે કેપ્ટન શુભમન ગિલ સસ્તામાં આઉટ થયો. શુભમન ગિલ ફક્ત બે રન જ બનાવી શક્યો. આ પછી, તેણે જોસ બટલર સાથે મળીને પોતાની ટીમને મુશ્કેલીમાંથી બહાર કાઢી.
સાઈ સુદર્શને 200 રન પૂરા કર્યા
સાઈ સુદર્શને આ વર્ષે IPLમાં પોતાના 200 રન પણ પૂરા કર્યા છે. તે આ વર્ષે IPLમાં 200 થી વધુ રન બનાવનાર પ્રથમ ભારતીય બેટ્સમેન પણ બન્યો છે. દરમિયાન, રેકોર્ડ્સની વાત કરીએ તો, સાઈ સુદર્શન એક જ IPL મેદાન પર સતત પાંચ વખત 50 થી વધુ રન બનાવનાર પ્રથમ ભારતીય બેટ્સમેન બન્યા છે.
એક જ સ્થળે સતત પાંચ અડધી સદી ફટકારી
સાઈ સુદર્શને ૨૦૨૪માં અમદાવાદના નરેન્દ્ર મોદી સ્ટેડિયમમાં સતત બે ૫૦+ ઇનિંગ્સ રમી હતી. આ પછી, આ વર્ષે પણ તેણે એક જ મેદાન પર સતત ત્રણ વખત 50 થી વધુ રનની ઇનિંગ્સ રમી છે. આ પહેલા કોઈ ભારતીયે આવું કર્યું નહોતું. જોકે, એબી ડી વિલિયર્સે પણ 2018 થી 2019 દરમિયાન આરસીબી માટે રમતી વખતે આ જ સિદ્ધિ મેળવી હતી. હવે સુદર્શને તેની બરાબરી કરી લીધી છે.
સુદર્શન દ્વારા ઉત્તમ પ્રદર્શન
નોંધનીય છે કે સાઈ સુદર્શને આ સિઝનમાં અમદાવાદમાં પંજાબ કિંગ્સ સામે 74 રનની ઇનિંગ રમી હતી. આ પછી, તેણે મુંબઈ ઈન્ડિયન્સ સામે પણ 63 રનની શાનદાર ઇનિંગ રમી. અમદાવાદની બહાર બે મેચ રમી, પણ બેટ સારું પ્રદર્શન કરી શક્યું નહીં. જોકે, અમદાવાદ પાછા ફર્યા પછી, તેના બેટમાંથી રન આવવા લાગ્યા. સાઈને તેનું હોમ ગ્રાઉન્ડ ખૂબ ગમે છે. તે અહીં ઘણા રન બનાવી રહ્યો છે.