ભારતના ઉપરાષ્ટ્રપતિ જગદીપ ધનખર (73) ને રવિવારે સવારે દિલ્હી સ્થિત ઓલ ઈન્ડિયા ઇન્સ્ટિટ્યૂટ ઓફ મેડિકલ સાયન્સ (AIIMS) માં દાખલ કરવામાં આવ્યા હતા. બેચેની અને છાતીમાં દુખાવાની ફરિયાદ બાદ તેમને રાત્રે 2 વાગ્યાની આસપાસ હોસ્પિટલમાં લઈ જવામાં આવ્યા હતા. ડોક્ટરોની એક ટીમ તેમના સ્વાસ્થ્ય પર સતત નજર રાખી રહી છે.
સૂત્રોના જણાવ્યા અનુસાર, ધનખરને એઈમ્સના કાર્ડિયોલોજી વિભાગના વડા ડૉ. રાજીવ નારંગની દેખરેખ હેઠળ ક્રિટિકલ કેર યુનિટ (CCU) માં રાખવામાં આવ્યા છે. હાલમાં, તેમની હાલત સ્થિર હોવાનું કહેવાય છે અને તેઓ તબીબી દેખરેખ હેઠળ છે.
ઉપરાષ્ટ્રપતિના હોસ્પિટલમાં દાખલ થવાના સમાચાર મળતા જ કેન્દ્રીય આરોગ્ય પ્રધાન અને ભારતીય જનતા પાર્ટી (ભાજપ) પ્રમુખ જેપી નડ્ડાએ તેમના સ્વાસ્થ્ય વિશે પૂછપરછ કરી અને તાત્કાલિક એઈમ્સ પહોંચ્યા.
હોસ્પિટલ વહીવટીતંત્ર દ્વારા હજુ સુધી કોઈ સત્તાવાર નિવેદન બહાર પાડવામાં આવ્યું નથી, પરંતુ સૂત્રો કહે છે કે ડોકટરોની એક નિષ્ણાત ટીમ ધનખરના સ્વાસ્થ્યની સંપૂર્ણ તપાસ કરી રહી છે અને જરૂરી સારવાર આપવામાં આવી રહી છે. દેશભરમાં તેમના ઝડપી સ્વસ્થ થવાની શુભેચ્છાઓ વ્યક્ત કરવામાં આવી રહી છે.