શું છે વન નેશન વન સબસ્ક્રિપ્શન સ્કીમ, શું થશે ફાયદા, જાણો સંપૂર્ણ વિગતો

કેન્દ્ર સરકારે નવા વર્ષમાં વિદ્યાર્થીઓ માટે ‘વન નેશન વન સબસ્ક્રિપ્શન’ (ONOS) યોજના શરૂ કરી છે. આ યોજનાને નવેમ્બર 2024 માં જ કેન્દ્રીય કેબિનેટ દ્વારા મંજૂરી આપવામાં આવી હતી, ત્યારબાદ તેને 1 જાન્યુઆરીએ લોન્ચ કરવામાં આવશે અને નોંધણી પણ શરૂ કરવામાં આવી છે. આ યોજના સમગ્ર દેશ માટે શરૂ કરવામાં આવી છે, તેથી દેશના દરેક ખૂણેથી વિદ્યાર્થીઓ તેનો લાભ લેવા માટે નોંધણી કરાવી શકે છે.

વન નેશન વન સબસ્ક્રિપ્શન (ONOS) નો ઉદ્દેશ્ય

આ યોજનાનો મુખ્ય ઉદ્દેશ્ય સમગ્ર દેશમાં વિદ્યાર્થીઓ અને સંશોધકો માટે ઉચ્ચ ગુણવત્તાયુક્ત શિક્ષણની પહોંચની સુવિધા આપવાનો છે. આ સ્કીમથી ટિયર-2 અને ટિયર-3 શહેરોમાં રહેતા વિદ્યાર્થીઓ પણ સરળતાથી તેનો ઉપયોગ કરી શકશે. આ યોજના બે તબક્કામાં લાગુ કરવામાં આવશે જેના માટે 6 હજાર કરોડ રૂપિયાનું બજેટ નક્કી કરવામાં આવ્યું છે.

આ યોજનાનો લાભ શું છે

આ યોજના હેઠળ, IIT સહિત તમામ સરકારી ભંડોળ ધરાવતી ઉચ્ચ સંસ્થાઓના અંદાજે 1.80 કરોડ વિદ્યાર્થીઓને સીધો લાભ મળશે. આ યોજના હેઠળ વિદ્યાર્થીઓ એક જ જગ્યાએ 13400 થી વધુ આંતરરાષ્ટ્રીય જર્નલ્સ મેળવી શકશે. આ પોર્ટલ પર 6300 સંસ્થાઓની નોંધણી કરવામાં આવશે. IIT અને NIT જેવી સંસ્થાઓને પણ આમાં સામેલ કરવામાં આવશે. આ પોર્ટલ સંપૂર્ણપણે ડિજિટલ હશે જ્યાંથી વિદ્યાર્થીઓ તેમના અભ્યાસ માટે આંતરરાષ્ટ્રીય સ્તરના સંશોધન અને જર્નલ્સનો ઉપયોગ કરી શકશે.

યોજના વિશે

• વન નેશન વન સબસ્ક્રિપ્શન (ONOS) યોજના બે તબક્કામાં લાગુ કરવામાં આવશે.
• આ યોજના માટે 6000 કરોડ રૂપિયાનું બજેટ નક્કી કરવામાં આવ્યું છે.
• 13400 થી વધુ આંતરરાષ્ટ્રીય જર્નલ્સ ઉપલબ્ધ થશે.
• આ યોજનાની પહોંચ દેશભરમાં હશે.
• આઈઆઈટી સહિત તમામ સરકારી ભંડોળ ધરાવતી ઉચ્ચ સંસ્થાઓના લગભગ 1.80 કરોડ વિદ્યાર્થીઓને લાભ થશે.