વિજ્ઞાન અને માણસે એટલી બધી પ્રગતિ કરી છે કે હવે એન્જિનિયરિંગ દ્વારા એવા મોડલ તૈયાર કરવામાં આવ્યા છે, જેની પહેલા ક્યારેય કલ્પના પણ કરી શકાઈ ન હતી. તમે તમારા ઘરની સામેના રસ્તા પર ચાલતી ટ્રેન ક્યારેય નહીં જોઈ હોય, પરંતુ ચીનમાં આવું થાય છે. એટલું જ નહીં, એપાર્ટમેન્ટના ધાબા પર કાર અને બસો પણ દોડતી જોવા મળે છે.
સોશિયલ મીડિયા પર વાયરલ થયેલા વીડિયોમાં એક રેસિડેન્શિયલ બિલ્ડિંગની અંદરથી એક ટ્રેન પસાર થઈ રહી છે. આ વીડિયો નકલી નથી પણ સાચો છે. ચીનમાં દોડતી ટ્રેન રહેણાંક મકાનમાંથી પસાર થાય છે. આ આજે નથી બન્યું પરંતુ વર્ષોથી આ ટ્રેન આવી જ દોડે છે અને તેનાથી લોકોને કોઈ તકલીફ પડતી નથી.
એપાર્ટમેન્ટની છત પર ટ્રેન ચાલે છે
વાયરલ થઈ રહેલા વીડિયોમાં તમે એક ચમકતો રસ્તો જોઈ શકો છો કે જેના પર કાર ઝડપથી દોડી રહી છે. જો તમે તેને નીચે જુઓ, તો તમે જોશો કે ત્યાં ઊંચી ઇમારતો છે. આ એપાર્ટમેન્ટની ઉપર જ આ ઓવરબ્રિજ બનાવવામાં આવ્યો છે, જ્યાં મોટર વાહનો આડેધડ દોડે છે. આ એપાર્ટમેન્ટ્સ પણ ખાલી નથી પરંતુ લોકોના પરિવારો અહીં રહે છે. અમારી જેમ તમે પણ આ નજારો જોઈને આશ્ચર્યચકિત થઈ ગયા હશો.
લોકોએ પૂછ્યું- કપડા ક્યાં સુકાશે?
આ વીડિયો ચીનનો હોવાનું કહેવાય છે .2 દિવસ પહેલા શેર કરાયેલા આ વીડિયોને અત્યાર સુધીમાં 9 લાખથી વધુ લોકો જોઈ ચૂક્યા છે અને 19 હજારથી વધુ લોકોએ લાઈક કર્યો છે. આ અંગે લોકોએ રસપ્રદ કોમેન્ટ્સ કરી છે. એક યુઝરે લખ્યું- તે તો ઠીક છે પરંતુ ટેરેસ પર કપડાં કેવી રીતે સુકાશે? અન્ય યુઝરે કહ્યું- જો ભૂકંપ આવે તો શું? મોટાભાગના યુઝર્સે કહ્યું- ચીનને ઓવરબ્રિજ પર આટલો ભરોસો છે?