મુંબઈથી ન્યૂયોર્ક જઈ રહેલા એર ઈન્ડિયાના પ્લેનમાં બોમ્બની ધમકી બાદ હંગામો થયો હતો. ત્યારબાદ પ્લેનને દિલ્હી એરપોર્ટ તરફ વાળવામાં આવ્યું હતું. અધિકારીઓએ જણાવ્યું કે તમામ મુસાફરો સુરક્ષિત છે અને વધુ તપાસ ચાલી રહી છે.
અધિકારીઓએ જણાવ્યું કે એરક્રાફ્ટ હાલમાં નવી દિલ્હીના ઈન્દિરા ગાંધી ઈન્ટરનેશનલ એરપોર્ટ પર છે અને મુસાફરો અને ક્રૂની સુરક્ષા સુનિશ્ચિત કરવા માટે તમામ માનક સુરક્ષા પ્રોટોકોલનું પાલન કરવામાં આવી રહ્યું છે.
વિમાનમાં 135 લોકો સવાર હતા
એર ઈન્ડિયાની ફ્લાઈટ AI 657માં 135 મુસાફરો અને ક્રૂ મેમ્બર હતા. તમામને દિલ્હી એરપોર્ટ પર સુરક્ષિત રીતે ઉતારવામાં આવ્યા છે. વિમાનને આઈસોલેશન બેમાં રાખવામાં આવ્યું છે.
સલામતી નિયમનકારી સમિતિની સૂચનાને આધારે પગલાં લેવાયા
એર ઈન્ડિયાના પ્રવક્તાએ જણાવ્યું હતું કે ફ્લાઇટ AI119, જે મુંબઈથી JFK જઈ રહી હતી, તેને વિશેષ સુરક્ષા ચેતવણી મળી હતી અને સરકારની સુરક્ષા નિયમન સમિતિની સૂચના પર તેને દિલ્હી તરફ વાળવામાં આવી હતી. તમામ મુસાફરો વિમાનમાંથી ઉતરી ગયા છે અને દિલ્હી એરપોર્ટ ટર્મિનલ પર છે.