ન્યુઝીલેન્ડ સામે ભારતીય ટેસ્ટ ટીમની જાહેરાત થઇ, જુરેલની ટીમમાં થઇ વાપસી

BCCIએ શુક્રવારે ન્યૂઝીલેન્ડ સામેની ટેસ્ટ શ્રેણી માટે ભારતીય ટીમની જાહેરાત કરી છે. બાંગ્લાદેશ સામે ટેસ્ટ શ્રેણી રમનારા મોટાભાગના ખેલાડીઓને ટીમમાં સામેલ કરવામાં આવ્યા છે. ધ્રુવ જુરેલ ફરી ટીમ ઈન્ડિયામાં પરત ફર્યો છે.

મેન્સ સિલેક્શન કમિટીએ ન્યૂઝીલેન્ડ સામેની આગામી ત્રણ મેચની ટેસ્ટ સિરીઝ માટે ભારતની 15 સભ્યોની ટીમની પસંદગી કરી છે. કેપ્ટન રોહિત શર્માના નેતૃત્વમાં 16 ઓક્ટોબરથી 1 નવેમ્બર સુધી ત્રણ ટેસ્ટ મેચ રમાશે. જસપ્રીત બુમરાહને ફરીથી વાઇસ કેપ્ટનની જવાબદારી સોંપવામાં આવી છે.

યશ દયાલ બહાર છે

બાંગ્લાદેશ સામે પ્રથમ વખત ભારતીય ટીમમાં સામેલ થયેલા યશ દયાલને પડતો મૂકવામાં આવ્યો છે. અક્ષર પટેલ અને ધ્રુવ જુરેલને ટીમમાં યથાવત રાખવામાં આવ્યા છે. બાંગ્લાદેશ સામે ટેસ્ટ શ્રેણી રમનાર ટીમને ન્યુઝીલેન્ડ સામે યથાવત રાખવામાં આવી છે.

WTCના દૃષ્ટિકોણથી શ્રેણી મહત્વપૂર્ણ છે

વર્લ્ડ ટેસ્ટ ચેમ્પિયનશિપની ફાઇનલમાં પોતાનું સ્થાન વધુ મજબૂત કરવા માટે ભારતે વધુ ત્રણ ટેસ્ટ મેચ જીતવી પડશે. ભારતીય ટીમને ન્યૂઝીલેન્ડ સામે ઘરઆંગણે ફાયદો મળશે. રોહિત અને કંપની આનો લાભ લેવા માંગે છે. બાંગ્લાદેશ પર 2-0થી ક્લીન સ્વીપને કારણે ભારતને WTC રેન્કિંગમાં ફાયદો થયો છે. આ પછી ભારતે ઓસ્ટ્રેલિયા સામે પાંચ ટેસ્ટ મેચોની બોર્ડર-ગાવસ્કર ટ્રોફી રમવાની છે.

WTCના રેન્કિંગની વાત કરીએ તો ભારત પ્રથમ સ્થાને છે. આ સાથે જ ઓસ્ટ્રેલિયા બીજા સ્થાને છે. શ્રીલંકા ત્રીજા સ્થાને અને ઈંગ્લેન્ડ ચોથા સ્થાને છે. ભારત આ શ્રેણી જીતીને મજબૂતાઈ સાથે ફાઈનલ તરફ આગળ વધવા ઈચ્છશે, જેથી બોર્ડર-ગાવસ્કરના સમયગાળા દરમિયાન ભારતને કોઈ ખાસ ચિંતા ન થાય. બોર્ડર-ગાવસ્કર માટે ભારતે ઓસ્ટ્રેલિયાનો પ્રવાસ કરવો છે.

ન્યુઝીલેન્ડ સામે ભારતની ટેસ્ટ ટીમ:-

રોહિત શર્મા (કેપ્ટન), જસપ્રિત બુમરાહ (વાઈસ-કેપ્ટન), યશસ્વી જયસ્વાલ, શુભમન ગિલ, વિરાટ કોહલી, કેએલ રાહુલ, સરફરાઝ ખાન, ઋષભ પંત (વિકેટકીપર), ધ્રુવ જુરેલ (વિકેટકીપર), રવિચંદ્રન અશ્વિન, રવિન્દ્ર જાડેજા, અક્ષર પટેલ. કુલદીપ યાદવ, મોહમ્મદ સિરાજ, આકાશ દીપ