ભારતમાં 2025માં પગારમાં 9.5 ટકાનો વધારો થવાની ધારણા છે. ગુરુવારે એક સર્વેમાં આ મૂલ્યાંકન કરવામાં આવ્યું છે, જેમાં આનું કારણ ઘણા વિસ્તારોમાં સકારાત્મક સંકેતો હોવાનું જણાવવામાં આવી રહ્યું છે.
’30મા વાર્ષિક પગાર વૃદ્ધિ અને ટર્નઓવર સર્વે 2024 અને 2025′ અનુસાર, 2025માં કુલ પગાર સરેરાશ 9.5 ટકા વધવાનો અંદાજ છે, જ્યારે 2024માં 9.3 ટકા.
આ સેક્ટર્સમાં હાઇક જોવા મળી શકે છે
આ સેક્ટર્સમાં હાઇક જોવા મળી શકે છેએન્જિનિયરિંગ, મેન્યુફેક્ચરિંગ અને રિટેલ સેક્ટરમાં 10 ટકાનો પગાર વધારો જોવા મળી શકે છે. જ્યારે નાણાકીય સંસ્થાઓમાં તે 9.9 ટકા હોઈ શકે છે. જે વર્તમાન આર્થિક પરિસ્થિતિમાં નોકરીદાતાઓ દ્વારા પ્રતિભાને આપવામાં આવતા વ્યૂહાત્મક મહત્વને દર્શાવે છે.
ટેક્નોલોજી સેક્ટર માટે સાવધાની સાથે વર્ષની શરૂઆત થઈ હોવા છતાં, વૈશ્વિક ક્ષમતા કેન્દ્રો અને ટેક્નોલોજી ઉત્પાદનો અને પ્લેટફોર્મ અનુક્રમે 9.9 ટકા અને 9.3 ટકા વેતન વૃદ્ધિ નોંધાવે તેવી અપેક્ષા છે. જ્યારે ટેક્નોલોજી કન્સલ્ટિંગ સર્વિસે 8.1 ટકાના નીચલા સ્તરે પગાર વધારાનો અંદાજ મૂક્યો છે.
પડકારો છતાં પ્રગતિ
ભારતમાં એઓન પાર્ટનર અને રિવોર્ડ સોલ્યુશન્સના વડા રૂપંક ચૌધરીએ જણાવ્યું હતું કે, ‘વૈશ્વિક આર્થિક પડકારો હોવા છતાં, અમારો અભ્યાસ ભારતમાં ઘણા ક્ષેત્રોમાં હકારાત્મક બિઝનેસ આઉટલૂક સૂચવે છે. ઉત્પાદન, જીવન વિજ્ઞાન અને છૂટક ઉદ્યોગોમાં અપેક્ષિત વેતન વૃદ્ધિ દ્વારા પુરાવા મળે છે, આ સેન્ટિમેન્ટ કેટલાક સ્થાનિક રીતે સંચાલિત ક્ષેત્રોમાં ચાલુ છે.’